|
Skattmat 2012 - Varðandi líkamsræktarstyrki |
|
Styrktarsjóður BSRB vill benda á að í skattmati 2012, orðsendingu Ríkisskattstjóra nr. 2/2012, kemur fram: 2.9 Íþróttaiðkun Ekki skal telja til tekna starfsmanns greiðslu frá launagreiðanda , eða eftir atvikum stéttarfélagi, sem ætlað er að standa straum af kostnaði við íþróttaiðkunn að því marki sem slík greiðsla fer ekki yfir 40.000 kr. á ári. Skilyrði er að starfsmaður leggi fram fullgilda og óvefengjanlega reikninga fyrir greiðslu á viðkomandi kostnaði. Með kostnaði við íþróttaiðkun er átt við greiðslu á aðgangi að líkamsræktarstöðvum, sundlaugum og skíðasvæðum, greiðslu á æfingagjöldum í íþróttasali og félagsgjöldum í golfklúbba sem og hreyfingar sem stunduð er með reglubundnum hætti. |
|
|
Ólga meðal starfsmanna Vinnumálastofnunar |
Á félagsfundi SFR stéttarfélags sem haldinn var í gær að frumkvæði starfsmanna Vinnumálastofnunar kom fram mikil óánægja meðal fundarmanna vegna fyrirhugaðs tilraunaverkefnis sem felur í sér að hluti starfsemi stofnunar muni færist yfir á skrifstofur stéttarfélaga. Starfsmenn hafa þungar áhyggjur af fyrirhugaðri framkvæmd og segja m.a. í ályktun sem fundurinn sendi frá sér með öllu óskiljanlegt hvernig hægt er að setja aukafjármuni upp á 300 milljónir í slíkt tilraunaverkefni í stað þess að efla starf stofnunarinnar og starfsfólk hennar.
Á fundinum voru einnig rædd launamál starfsmanna, en þeir mótmæla harðlega þeirri launastefnu sem rekin er og segja m.a. að samanburður við aðrar ríkisstofnanir sýni að launasetning starfsmanna Vinnumálastofnunar víki verulega frá því sem aðrir starfsmenn ríkisins búa við. Starfsmenn Vinnumálastofnunar hafa búið við langvarandi og óeðlilegt vinnuálag en starfsmenn hafa í allmörg ár krafist launaleiðréttingar án sýnilegs árangurs. |
|
Lesa meira...
|
|
|
Málflutningur Ögmundar ómaklegur |
|
Ögmundur Jónasson innanríkisráðherra lýsti áhyggjum sínum á Alþingi í gær af því að embættismenn og ríkisstofnanir væru að ánetjast utanlandsferðum í tengslum við aðildarviðræðurnar við ESB. Framkvæmdastjóri BSRB segir málflutninginn ómaklegan og ekki sæmandi manni í hans stöðu. „BSRB þykir mjög miður hvernig Ögmundur Jónasson innanríkisráðherra talar um opinbera starfsmenn úr ræðustóli Alþingis. Að halda því fram að embættismenn hins opinbera séu að ánetjast ferðalögum og sæki það hart að komast sem oftast út fyrir landssteinana til þess eins að fá greidda dagpeninga er mjög ómaklegt," segir Helga Jónsdóttir, framkvæmdastjóri BSRB, um málflutning Ögmundar Jónassonar innanríkisráðherra á Alþingi í gær. Þar lýsti innanríkisráðherra áhyggjum sínum á Alþingi í gær af því að embættismenn og starfsmenn ríkisstofnana væru að ánetjast utanlandsferðum í tengslum við aðildarviðræðurnar við ESB. Verið var að ræða IPA Evrópustyrki á þinginu þegar þingmaður Framsóknar vildi vita skoðun ráðherra á þeim. Ögmundur sagði þá að hann hefði miklar áhyggjur af stofnanakerfinu og að embættismenn færu sífellt fleiri og lengri ferðir til Brussel á kostnað ríkisins. Fólkið ánetjaðist þannig Evrópusambandinu enda heillandi að fara fleiri og fleiri ferðir og fá dagpeninga í hvert skipti. „Núverandi ríkisstjórn sóttist eftir aðild að ESB en ekki opinberir starfsmenn sem eru væntanlega aðeins að vinna vinnuna sína eins vel og þeir geta. Sú vinna felst m.a. í því að framfylgja stefnu ríkisstjórnarinnar og undir það falla vissulega fundir erlendis vegna umsóknar um aðild að ESB. Málflutningur Ögmundar er því algerlega óásættanlegur, sérstaklega komandi frá manni í hans stöðu," segir Helga Jónsdóttir jafnframt. |
|
|
Fjallað um tilfærslu á málefnum atvinnuleitenda í fjölmiðlum |
|
Tilraunaverkefni nokkurra stéttarfélaga innan ASÍ um tilfærslu á þjónustu við atvinnuleitendur verður undirritað síðar í vikunni ef allt gengur eftir. Formaður BSRB hefur undanfarið lýst andstöðu við þetta fyrirkomulag og í gær tók formaður SFR opinberlega undir þá gagnrýni. Fjallað var um málið í fjölmiðlum bæði í dag og í gær.
Fyrir áhugasama má finna umfjöllun um tilraunaverkefni hér á vef Rúv og í dag birtist svo ítarleg fréttaskýring um málið á leiðarasíðu Morgunblaðsins í dag. Þar fjallar Ómar Friðriksson um tilfærslu á þjónustu við atvinnuleitendur. Fréttaskýringu Morgunblaðsins má sjá hér að neðan:
340 milljónir í tilraun en VMST heldur sínu |
|
Lesa meira...
|
|
|
