• hellisgata1
  • hellisgata2
  • hellisgata3

Sumarið 2017

Vorum að opna fyrir umsóknir um sumarhúsin sumarið 2017. Umsóknarfrestur rennur út þann 4.apríl.
Sótt er um í gegnum heimasíðuna okkar www.sthafn.is  undir orlofsvefur. Setja inn kt.og netf. Innskrá. 
Á forsíðu orlofsvefsins er sótt um þar sem stendur Umsóknir á miðri síðunni. 
Sumarhúsin sem eru í boði eru Siggubær í Reykjaskógi, Stekkjarhóll 75 í Munaðarnesi, Amalíuborg í Stykkishólmi, Eyrarhlíð 38 í Munaðarnesi og sumarhús nr. 15 á Eiðum.
 

Uppsagnarákvæði í kjarsamningum aðildafélaga BSRB virkjast ekki

Í kjarasamningum aðildarfélaga BSRB er ákvæði sem opnar á endurskoðun þeirra verði kjarasamningum á almennum vinnumarkaði sagt upp. Alþýðusamband Íslands (ASÍ) hefur ákveðið að segja ekki upp kjarasamningum á almennum vinnumarkaði. Það ákvæði verður því ekki virkjað hjá Alþýðusambandi Íslands (ASÍ) og samningar aðildarfélaga BSRB standa því jafnframt óhaggaðir. Hefði ASÍ ákveðið að segja upp samningum á almennum vinnumarkaði hefði endurskoðunarákvæði í samningum allra aðildarfélaga BSRB virkjast. Í kjölfarið hefði bandalagið fjallað um hvort rétt væri að segja þeim upp. Nú er ljóst að það ákvæði verður ekki virkjað í bili. Endurskoðun kjarasamninga á almenna markaðinum fer næst fram í byrjun næsta árs. Ákveðið verður fyrir lok febrúar 2018 hvort samningum verði sagt upp og í framhaldinu hvort samningar BSRB halda áfram.

BSRB er 75 ára í dag

Í dag er tilefni til að gleðjast, enda nákvæmlega 75 ár síðan BSRB var stofnað. Þegar bandalagið var stofnað, þann 14. febrúar 1942, voru aðildarfélög bandalagsins 14 talsins með um 1.550 félagsmenn. Í dag eru aðildarfélögin 25 talsins og félagsmennirnir rúmlega 21.000 talsins.
 
BSRB eru stærstu samtök opinberra starfsmanna á Íslandi. Bandalagið hét áður Bandalag starfsmanna ríkis og bæja, en heitir nú einfaldlega BSRB eftir breytingu á lögum þess. Sjá nánar á heimasíðu BSRB http://bsrb.is/um-bsrb/frettir/frett/2017/02/14/BSRB-er-75-ara-i-dag/ 

Helgar og vikuleiga til 2.júní 2017

Vorum að opna á helgar- og vikuleigu í sumarhúsunum til 2.júní 2017.
Orlofsvefurinn er opinn allan sólarhringinn.
Fyrstur bókar og greiðir fyrstur fær.

Þingmenn bregðast ekki við gagnrýni – Hvað gerir bæjarstjórn?

Sú ákvörðun meirihluta bæjarstjórnar Hafnarfjarðar að hækka laun sín og kjörinna fulltrúra sveitarfélagsins með hliðsjón af launahækkun alþingsmanna hefur vakið talsverða athygli. Fyrir liggur að þessar hækkanir eru ekki í anda þess rammasamkomulags sem til dæmis launahækkanir bæjarstarfsmanna tóku mið af í síðustu kjarasamningum.

Um hækkanir forsætisnefndar Alþingis er fjallað á vettvangi BSRB. Telur bandalagið að ríflegar launahækkanir sem kjararáð ákvað á síðasta ári að veita fyrst æðstu embættismönnum og síðan þjóðkjörnum fulltrúum; þingmönnum, ráðherrum og forseta Íslands sem nema tugum prósenta fyrir þessa tekjuháu hópa sé úr öllu samræmi við launaþróun annarra hópa, hvort sem er opinberra starfsmanna eða launafólks á almenna vinnumarkaðinum.

Spyrja má hvort almennt launafólk eigi eitt að bera hina margumræddu ábyrgð á stöðugleika samfélagsins? Nánar er fjallað um málið á vef BSRB sjá hér:
http://www.bsrb.is/um-bsrb/frettir/frett/2017/02/02/Thingmenn-bregdast-ekki-vid-gagnryni/

 

Tvennukort hjá Olís og ÓB

tvennukort Sérkjör  Starfsmannafélags Hafnarfjarðar.

lesa meira